Auglýsingalæsi í íslenskum grunnskólum
Nú er unnið að því innan SÍA að kynna fyrir hagsmunaaðilum svonefnt
Media Smart verkefni. Media Smart er “fjölmiðlalæsiverkefni” sem snýst
f.f. um auglýsingar. Markmiðið með því er að veita börnum á miðstigi
grunnskóla tól og þekkingu til að hjálpa þeim að skilja og túlka
auglýsinga- og kynningarefni svo þau verði betur fær um að meta þetta
efni á skynsaman máta, þau verði upplýstari um eðli og tilgang
auglýsinga. Þau verði í raun gagnrýnni neytendur í nútíma
samskiptaþjóðfélagi. Það sem af er hefur hugmyndin hlotið góðar
viðtökur hjá hagsmunaaðilum.
Sjá nánar um Media Smart hér.
Media
Smart® er hannað fyrir börn á aldrinum 6 til 11 ára. Það er nú notað
víða í Evrópu í skólastofum grunnskóla og á heimilum. Notast er við
fjölbreytt kennsluefni, á netinu, á geisladiskum og prentað
kennsluefni.
Það er von SÍA að hægt verið
að ná upp víðtæku samstarfi opinberra aðila og einkafyrirtækja en
einnig með samtökum foreldra og skólafólks á borð við Heimili og skóla
og félög fagfólks. Þar sem Media Smart hefur verið tekið upp í
grunnskólum í Evrópu er það unnið og stutt af opinberum yfirvöldum og
auglýsendum.