EFFIE-verðlaunin - viðurkenning fyrir góðan árangur
SÍA efnir til samkeppni um EFFIE verðlaun hér á landi og verða verðlaun veitt 24. nóvember næstkomandi. Þetta verður í annað sinn sem EFFIE keppnin er haldin hér á landi en sú fyrsta fór fram árið 2003.

Innsendingarfrestur - 1. nóvember 
Innsendingarfrestur gagna í keppnina nú er til 26. apríl næstkomandi. Innsending gagna verður með rafrænum hætti í samvinnu við Outcome hugbúnað ehf. sem sérhæfir sig í þróun veflausna og samskiptakerfa fyrir fyrirtæki og stofnanir.

Seinar innsendingar - 8. nóvember 
Heimilt er að skila innsendingum eftir að ofangreindur skilafrestur rennur út gegn greiðslu aukagjalds (3. maí), ef sótt er um frest til skrifstofu SÍA (sia@sia.is). Farðu á www.effie.is til að sækja innsendingargögn.

Viðurkenning fyrir árangur í markaðsstarfi
EFFIE verðlaunin eru viðurkenning fyrir auglýsinga- og kynningarefni þar sem saman fer frjó og skapandi hugsun og næm tilfinning og þekking á skilyrðum þess að ná árangri í markaðssetningu á vöru og þjónustu. EFFIE verðlaunum er þannig ætlað að stuðla að markvissari og árangursríkari markaðssetningu.

EFFIE er samnefnari þeirra gilda sem eru í fararbroddi í áhrifaríkum auglýsingum. Engin auglýsingaverðlaun eru eins hátt skrifuð og eftirsótt í jafn mörgum löndum.